Almatyda 7 qabatty úiden órt shyǵyp, úsh adam qutqaryldy, dep habarlady "Ult aqparat".
«Búgin keshki saǵat 17.04-te Almaty qalasy TJD kezekshi-dispetcherlik qyzmetiniń pýltine Almaty qalasy Medeý aýdanynda jeti qabatty turǵyn úide órt shyqqany týraly habarlama tústi. Páterde jihaz jáne úi zattary janǵan»,- deidi QR TJM resmi ókili Talǵat Ýáli.
Órtti sóndirýge Almaty qalalyq Tótenshe jaǵdailar departamentiniń 22 qyzmetkeri men 5 birlik tehnikasy jumyldyryldy.
Órt besinshi qabattaǵy páterden shyqqan. Mamandar órt avtosatysynyń kómegimen 3 adamdy qutqardy. Turǵyndar evakýatsiialandy.
Órt saǵat 17:32-de sóndirildi.
Qyzyl jalyn 30 sharshy metr jerdi sharpyǵan.
Qaza bolǵandar men zardap shekkender joq.
