Almaty ákimi Baqytjan Saǵyntaev paidalanýǵa beriletin jańa bilim nysandaryn aralap kórdi, dep habarlaidy "Ult aqparat".
Qala ákimi paidalanýǵa beriletin M.Áýezov aýdanynyń «Mamyr» yqshamaýdanyndaǵy 1 200 oryndy jáne Túrksib aýdanynda ornalasqan «Nurshashqan» yqshamaýdanyndaǵy 600 oryndyq mektepti aralap kórdi.
Sondai-aq, Baqytjan Saǵyntaev mektepter janynan salynǵan Bostandyq aýdanyndaǵy 300 oryndy, Alataý aýdanynyń «Qarasý» yqshamaýdanyndaǵy 192 oryndy, Medeý aýdanynyń «Dýman» yqshamaýdanyndaǵy 850 oryndy jańa qosalqy nysandardy aralap shyqty. Sonymen qatar, №5 mýzyka mektebiniń 350 oryndy jańa ǵimaratyna jáne jaqyn kúnderi ashylǵan kópbeiindi mýzyka ortalyǵyna bardy.
Mektepterdi aralap shyqqan B. Saǵyntaev bilim oshaqtarynyń ainalasyn abattandyrýǵa, jasyldandyrýǵa, kireberis joldar men trotýarlardy salýǵa jáne jóndeýge qatysty birqatar tapsyrma berdi.
Aita keterligi, qala ákimi oqý oryndary direktorlarynyń nazaryn kezekshi synyptarda sanitarlyq-epidemiologiialyq erejeni qatań saqtaý qajettigine aýdardy.
«Jańa oryndar mektepterge júkteme túsiretini belgili. Mysaly, búgingi kúni «Dýman» yqshamaýdanynda oqýshy ornynyń qajettiligi tolyǵymen sheshildi. Al, «Nurshashqanda» alǵash ret jańa mektep salyndy, ol Túrksib aýdanyndaǵy basqa mektepterge túsetin júktemeni azaitady», - dedi B. Saǵyntaev.
