Túrksib aýdanynda ornalasqan 4 bazar súrilip, qaita salynatyn bolady. Bul týraly aýdan ákimi Pavel Kýlagin aitty, dep habarlaidy "Ult aqparat".
Túrksib aýdanynda ornalasqan Almaty-1, Seifýllin dańǵylyndaǵy Aqbulaq, Altai bazary, vokzal mańyndaǵy Kerýen bazary súrilip, qaita salynatyn bolady.
«Bazarlardy modernizatsiialaý boiynsha jobalar daiyn. Eń úlkeni – M.Sholohov kóshesiniń boiyndaǵy Almaty-1 bazary. Onda jobaǵa sai jańa bazar salynady. Búginde investorlar qurylys-montajdaý jumystarynyń jobasyn daiyndaýda. Bazardyń bir bóligin buza bastadyq. Qurylys jumystary eki jylǵa sozylýy múmkin. Sondyqtan ondaǵy saýdagerler ýaqytsha basqa bazarlarda saýda jasaityn bolady», - deidi Túrksib aýdanynyń ákimi Pavel Kýlagin baspasóz máslihatynda.
Onyń aitýynsha, qazirgi ýaqytta kásipkerler qyzmeti men saýdany damytý úshin barlyq jaǵdai jasalýda.
«Qazir aýdanda 10 bazar jumys istep tur. (Úmit, Bahar, Arman, Altai, Sapar, Kerýen, Aqbulaq, Mehrenisa, Jetisý, jáne Túrksib jármeńkesi). Alty bazar modernizatsiiadan ótti. Osy jyldyń aiaǵynda «Altai» jáne «Kerýen» bazarlary qaita qalpyna keltiriledi. Ondaǵy investitsiia kólemi 90 mln teńgeni qurady, sonymen qatar «Aqbulaq» jáne «Almaty-1» bazarlaryn jańartý 2020 jylǵa josparlanǵan», - dep tolyqtyrdy P.Kýlagin.
