تٷركسٸب اۋدانىندا ورنالاسقان 4 بازار سٷرٸلٸپ, قايتا سالىناتىن بولادى. بۇل تۋرالى اۋدان ەكٸمٸ پاۆەل كۋلاگين ايتتى, دەپ حابارلايدى "ۇلت اقپارات".
تٷركسٸب اۋدانىندا ورنالاسقان الماتى-1, سەيفۋللين داڭعىلىنداعى اقبۇلاق, التاي بازارى, ۆوكزال ماڭىنداعى كەرۋەن بازارى سٷرٸلٸپ, قايتا سالىناتىن بولادى.
«بازارلاردى مودەرنيزاتسييالاۋ بويىنشا جوبالار دايىن. ەڭ ٷلكەنٸ – م.شولوحوۆ كٶشەسٸنٸڭ بويىنداعى الماتى-1 بازارى. وندا جوباعا ساي جاڭا بازار سالىنادى. بٷگٸندە ينۆەستورلار قۇرىلىس-مونتاجداۋ جۇمىستارىنىڭ جوباسىن دايىنداۋدا. بازاردىڭ بٸر بٶلٸگٸن بۇزا باستادىق. قۇرىلىس جۇمىستارى ەكٸ جىلعا سوزىلۋى مٷمكٸن. سوندىقتان ونداعى ساۋداگەرلەر ۋاقىتشا باسقا بازارلاردا ساۋدا جاسايتىن بولادى», - دەيدٸ تٷركسٸب اۋدانىنىڭ ەكٸمٸ پاۆەل كۋلاگين باسپاسٶز مەسليحاتىندا.
ونىڭ ايتۋىنشا, قازٸرگٸ ۋاقىتتا كەسٸپكەرلەر قىزمەتٸ مەن ساۋدانى دامىتۋ ٷشٸن بارلىق جاعداي جاسالۋدا.
«قازٸر اۋداندا 10 بازار جۇمىس ٸستەپ تۇر. (ٷمٸت, باھار, ارمان, التاي, ساپار, كەرۋەن, اقبۇلاق, مەحرەنيسا, جەتٸسۋ, جەنە تٷركسٸب جەرمەڭكەسٸ). التى بازار مودەرنيزاتسييادان ٶتتٸ. وسى جىلدىڭ اياعىندا «التاي» جەنە «كەرۋەن» بازارلارى قايتا قالپىنا كەلتٸرٸلەدٸ. ونداعى ينۆەستيتسييا كٶلەمٸ 90 ملن تەڭگەنٸ قۇرادى, سونىمەن قاتار «اقبۇلاق» جەنە «الماتى-1» بازارلارىن جاڭارتۋ 2020 جىلعا جوسپارلانعان», - دەپ تولىقتىردى پ.كۋلاگين.
