Almatyda koronavirýs juqtyrǵan 2,8 myńnan astam adam infektsiialyq aýrýhanalarda jatyr. Bul týraly onlain brifing barysynda qalalyq qoǵamdyq densaýlyq basqarmasynyń ókili, telemeditsina ortalyǵynyń basshysy Laýra Myrzaǵali aitty, dep habarlaidy "Ult aqparat".
«31 naýryz kúni koronavirýs infektsiiasynyń 515 jańa jaǵdaiy tirkeldi, onyń 434 - simptomdyq belgileri bar jáne 81 - simptomsyz. Bir táýlik ishinde 317 naýqas qabyldandy, statsionardan 248 naýqas shyǵaryldy»,- deidi Laýra Myrzaǵali.
Qaladaǵy infektsiialyq statsionarlarda 5 000 tósek-oryn bar. Qazir onda 2 849 adam (107 bala) em alýda, onyń ishinde 45 naýqastyń jaǵdaiy óte aýyr.
Jalpy reanimatsiia jáne intensivti terapiia bólimshesinde 152 naýqas jatyr.
Nalyk Arena sport keshenine koronavirýs juqtyryp, syrqattanýy orta deńgeidegi naýqastar jatqyzylyp jatyr. Búgingi kúni onda 34 patsient bar.
