@gubdaily.ru
Almatyda balalaryna tiisinshe tárbie bermegen 23 adam ata-ana quqyǵynan aiyryldy, – dep habarlaidy Polisia.kz.
IIM baspasóz qyzmetiniń málimetinshe, Almaty politsiiasy barlyq múddeli qyzmettermen, memlekettik organdarmen, qoǵamdyq uiymdarmen birlese otyryp, kámeletke tolmaǵandar arasyndaǵy quqyq buzýshylyqtyń aldyn alý boiynsha uiymdastyrý-tájiribelik sharalardy qolǵa alyp jatyr. Kámeletke tolmaǵandar arasyndaǵy quqyq buzýshylyqtyń aldyn alý ádisteriniń biri - quqyq buzýshylyq jasaýǵa beiim kámeletke tolmaǵandardy erterek anyqtaý, ári qarai jeke jumys júrgizý.
"Jyl basynan beri kámeletke tolmaǵandar arasyndaǵy qylmystyń aldyn alý maqsatynda múddeli memlekettik organdardyń, jurtshylyqtyń jáne BAQ ókilderiniń qatysýymen jalpyqalalyq 13 jedel aldyn alý is-sharasy ótkizildi. 357 jasóspirim, sondai-aq 380 qolaisyz otbasy anyqtalyp, esepke alyndy.
Búgingi tańda IIO-da esepte 393 kámeletke tolmaǵan jasóspirim jáne 583 qolaisyz otbasy bar. Qiyn ómirlik jaǵdaiǵa tap bolǵan balalardy qoldaý ortalyǵyna 653 kámeletke tolmaǵan bala ornalastyryldy.
Kámeletke tolmaǵandardyń túngi ýaqytta zańdy ókilderiniń erip júrýinsiz oiyn-saýyq mekemelerinde (saǵat 22.00-den keiin) jáne turǵyn úilerden tys jerde (saǵat 23.00-den keiin) bolǵany úshin 5640 ata-ana ákimshilik jaýapkershilikke tartyldy", – deidi Almaty qalalyq PD JPQB iývenaldy politsiia bóliminiń basshysy Janna Shonjanova.
Sondai-aq spikerdiń aitýynsha, kámeletke tolmaǵandar arasyndaǵy qylmysty aldyn alýdyń negizgi tutqalarynyń biri qala jáne aýdandar ákimdigi janyndaǵy kámeletke tolmaǵandar isteri jáne olardyń quqyqtaryn qorǵaý jónindegi vedomstvoaralyq komissiialarmen ózara is-qimyl sanalady. Jyl basynan beri komissiia otyrystarynda kámeletke tolmaǵandardyń múddelerine qatysty túrli derekter boiynsha 250 material qaralyp, 23 ata-anaǵa ata-ana quqyǵynan aiyrý túrindegi shara qoldanyldy. Taǵy 539 ata-ana balalardy tárbieleý jónindegi mindetterdi tiisinshe oryndamaǵany úshin ákimshilik jaýapkershilikke tartyldy.
