Almatyda biyl 21 myńǵa jýyq úi sýmen jabdyqtaý jáne sý burý júiesine qosylady. Bul týraly onlain brifing barysynda qalalyq energotiimdilik jáne infraqurylymdyq damý basqarmasy basshysynyń orynbasarynyń mindetin atqarýshy Berik Jambylov aitty, dep habarlaidy QazAqparat.
«Almaty-2020» damý baǵdarlamasy aiasynda 2020 jyly 33 joba boiynsha 312 shaqyrym sý qubyry jáne káriz jelileri salyndy.
«Qurylystyń aiaqtalýy Almaty qalasyna qosylǵan eldi mekenderdegi 23 myńǵa jýyq turǵyn úidi onyń ishinde «Dýman», «Samǵaý» jáne «Aqbulaq» kentterin qamtýǵa múmkindik berdi», - deidi Berik Jambylov.
Onyń aitýynsha, qazirgi kezde qala turǵyndarynyń 98,3 %-y ortalyqtandyrylǵan sýmen qamtylǵan, sý burý jelilerine 85,7%-y qol jetkizdi. 2019 jylmen salystyrǵanda sýmen qamtýdyń oń dinamikasy 0,6%-ǵa ósti. 2020 jyly 17 yqshamaýdanda bastalǵan barlyq jumystardy biyl aiaqtaý josparlanýda.
«2021 jyly «Quramys», «Jailaý», «Taýjoly», «Kolhozshy», «Álmerek», «Kemel», «Alǵabas», «Boraldai», «Shuǵyla», «Aqjar», «Qairat», «Samǵaý», «Qarasý», «Shapaǵat», «Terekti», «Shańyraq-1», «Kókshoqy» yqshamaýdanynda 150 shaqyrym sýmen jabdyqtaý jáne 130 shaqyrym sýdan burý jelilerin salý josparlanýda. Osylaisha, ortalyqtandyrylǵan sý júiesine 20 900 úi qosylady», - dep atap ótti spiker.
