Foto: 018.kz
Qazaqstan Respýblikasynyń Ulttyq kitaphanasynda 2025 jylǵy memlekettik tapsyrys aiasynda jaryq kórgen kitaptardyń kórmesi ashyldy, dep habarlaidy Ult.kz.
Ekspozitsiia ulttyq qundylyqtardy dáripteýdi, oqyrmandarǵa otandyq avtorlar men jańa basylymdardy tanystyrýdy maqsat etedi.
Kórme tórt bólimnen turady. «Otandyq ádebiet» bóliminde otandyq qalamgerlerdiń zamanaýi prozasy men poeziiasy, qazaq ádebieti klassikteriniń qaita basylǵan kitaptary qoiylsa, «Ǵylymi-tanymdyq eńbekter» bóliminde tarih, etnografiia, óner jáne áleýmettik ǵylymdar baǵytyndaǵy jańa zertteýler tanystyryldy. Sondai-aq «Aýdarma jobalary» bóliminde álemdik ǵylymi jáne kórkem ádebietterdiń qazaq tilindegi nusqalary, al «Balalar ádebieti» qataryna illiýstratsiialyq kitaptar qoiylǵan.
Kórmeni kitaphana oqyrmandary 10 kún boiy tamashalai alady.
