Almatyda Qazaqstan men Qyrǵyzstan IIM birlesken jedel is-sharalaryn júrgizý barysynda 1971 jyly týǵan qylmys áleminiń serkesi ustalyp, qamaýǵa alyndy, dep habarlaidy Sputnik.
Qyrǵyzstan Qylmystyq militsiia qyzmetiniń habarlaýynsha, Shý oblysynda týǵan er adamǵa 2011 jyldyń tamyz aiynda Interpol arqyly halyqaralyq izdeý salynǵan. Qyrǵyzstannyń Ishki ister ministrliginde uiymdasqan qylmystyq toptardyń biriniń belsendi múshesi retinde jedel tirkeýde turǵan. Oǵan "Qylmystyq top qurý" jáne "Bopsalaý" baptary boiynsha aiyp taǵylyp otyr.
Ustalǵan adam tonaý, qaraqshylyq, iri kólemde aqsha jymqyrý, atys qarýyn zańsyz ustaý, adam urlaý, bopsalaý qylmystary úshin birneshe ret sottalǵan. Qylmys áleminde bedeli joǵary, buryn "smotriashii" degen qylmystyq mártebeni ielengen, dep habarlady AKIpress.
Ol Qyrǵyzstan qylmystyq ortasynyń lideri – qyrǵyzdardyń arasynan shyqqan alǵashqy "qylmys áleminiń serkesi" Qamshybek Kólbaevpen bir kamerada jazasyn ótegen.
