Almatyda eki myńnan astam politsiia qyzmetkeri Covid-19-ǵa qarsy vaktsinatsiialandy, dep habarlaidy "Ult aqparat".
Politsiia departameniniń málimetinshe, Almaty politsiiasy qyzmetkerlerin vaktsinatsiialaý 10 naýryzda bastaldy. Bir apta ishinde eki myńnan astam tártip saqshysy koronavirýsqa qarsy ekpe saldyrdy.
«Birinshi kezekte – qatardaǵy bólimderdiń qyzmetkerleri: patrýldik politsiia, ýchaskelik inspektorlar jáne táýlik boiy kezekshilik etetin jáne aldyńǵy qatarda turǵan iývenaldy politsiia ókilderi. Ári qarai vaktsinany aýdandyq Politsiia basqarmalarynyń qyzmetkerleri aldy, olar da turǵyndarmen tyǵyz bailanysta. Maqsat – jeke quram arasynda juqtyrý men koronavirýstyq infektsiianyń taralý qaýpin boldyrmaý. Arnaiy keste jasaldy, qyzmetkerler qalanyń ártúrli emhanalaryna bólindi – bul óte yńǵaily jáne kezekterdiń paida bolýyn boldyrmaidy», – dedi Almaty qalalyq Politsiia departamenti bastyǵynyń orynbasary Ábdýali Nasharbekov.
Spikerdiń aitýynsha, politseiler úshin vaktsinalar jetkilikti. Naýryz aiynyń sońyna deiin Almaty qalalyq PD jeke quramyna vaktsina egý josparlanǵan.
«Men vaktsinany jańa ǵana aldym. Buǵan deiin meni mamandandyrylǵan dárigerler qarady, olar qarsy kórsetilimderdiń joqtyǵyn anyqtady. Men eń aldymen, jeke qaýipsizdik pen ómirim úshin, jaqyndarymnyń densaýlyǵy úshin jasadym. Saqtanǵandy Qudai saqtaidy! Politsiiaǵa alǵashqylardyń biri bolyp tegin vaktsinany usynǵan ákimdikke rahmet», – dedi Bostandyq aýdandyq PB iývenaldy politsiia bóliminiń bastyǵy Tolqyn Sarqytqanova.
