«Almaty» telearnasynda ótip jatqan Akimat Live tikelei efirinde shahar basshysy Baqytjan Saǵyntaev 17 tamyzdan bastap jumysyn jandandyrǵan kásiporyndar týraly aitty, dep habarlaidy QazAqparat.
Onyń sózinshe, shaǵyn jáne orta biznes sýbektileriniń jumystaryn qaita jandandyrý infokazakhstan.kz portalynda tirkelgen soń kezeń-kezeńimen júzege asatyn bolady. Bul jumystardy Almaty qalasynyń memlekettik bas sanitarlyq dárigeriniń qaýlysyna sáikes, 24 tamyzǵa deiin júzege asyrý qajet. Sanitarlyq-epidemiologiialyq erejelermen tanysqan soń kásipkerler sanitarlyq normalarǵa sai akt alatyn bolady.
«Jumystyń qaita bastalǵany týraly habarlandyrýdy barlyq sýbektilerdiń 90%-y, iaǵni saýda jáne oiyn-saýyq ortalyqtary, bólshek saýda jelileri jáne syiymdylyǵy 30% jáne jalpy kólemi 4 sharshy metrden aspaityn jabyq bazarlar, sulýlyq salondary, shashtarazdar, SPA ortalyqtary, jalpy kólemi 4 sharshy metr bolatyn sulýlyq salondary jáne taǵy basqalary berýi tiis», – deidi Baqytjan Saǵyntaev.
Sonymen qatar, ol virýstyń taralý qaýpi joǵary sýbektileri jumys komissiiasynyń tekserýinen ótetinin atap ótti. Olar – saýda jáne oiyn-saýyq ortalyqtary, saýda úileri, saýda alańy 2000 sharshy metrden astam azyq-túlik emes dúkender, sonymen qatar qyzmetkerleri arasynda KVI aýrýynyń kórsetkishi joǵary nysandar.
«19 tamyzdaǵy jaǵdai boiynsha 17698 ótinish túsken, olardyń 14043-i (79%) maquldandy. Onyń ústine kásipkerlerdiń basym bóligi (13807) jumystaryn shaqyrtý tártibi boiynsha bastady. Qalǵandary (236) aýdandyq ákimdikter janyndaǵy monitorintik toptar tekserý júrgizgen soń jumystaryn bastaidy. Eger belgili bir sebepter boiynsha ruqsat etilmese, onda kemshilikterdi túzetip, jumysty qaita bastaýǵa bolady», - dedi qala ákimi.
