Almaty qalalyq bilim basqarmasy basshysynyń orynbasary Qairat Jumanov onlain brifing barysynda IV toqsandaǵy oqytý formaty týraly aitty, dep habarlaidy "Ult aqparat".
Spiker atap ótkendei, Almaty qalasy qazirgi ýaqytta «qyzyl» aimaqta jáne epidemiologiialyq jaǵdai nasharlap barady.
«Osyǵan bailanysty, koronavirýs infektsiia boiynsha epidemiologiialyq jaǵdaidyń nasharlaýy jaǵdaiynda mektepterdiń ońtaily jumys rejimin qamtamasyz etý úshin Almaty qalasy bas memlekettik sanitar dárigeriniń qaýlysymen 2020-2021 oqý jylynyń sońyna deiin jalpy bilim beretin mektepterdiń 1-synyptan 11-synypqa deiingi oqýshylaryn qashyqtan oqytý formatyna kóshirý sheshimin qabyldady. Sondai-aq ata-anasynyń ótinishi boiynsha balalar sany 15 adamǵa deiin 1-den 5-synypqa deiingi, 9 jáne 11 (12) synyp oqýshylaryna kezekshi synypta oqýǵa ruqsat berý týraly sheshim shyǵaryldy», - dedi qalalyq bilim basqarmasynyń ókili.
Búgingi tańda qaladaǵy barlyq mektep sanitarlyq qaýipsizdikti qamtamasyz etetin dezinfektsiialaýshy quraldarmen 100% qamtamasyz etilgen.
Bilim uiymdarynyń birinshi synybyna keletin balalardyń ata-analarynan nemese ózge de zańdy ókilderinen qujattardy qabyldaý 1 sáýir men 1 tamyz aralyǵynda júrgiziledi.
Balalardy birinshi synypqa qabyldaý úshin kelesi qujattar qajet:
1) ata-anasynyń nemese balanyń basqa zańdy ókilderiniń ótinishi
2) balanyń týý týraly kýáliginiń kóshirmesi
3) 3h4 sm ólshemdi balanyń fotosýreti, eki dana
4) densaýlyq jaǵdaiy týraly anyqtama (№ 063 / ý, jáne 026 / ý-3 formalary).
Qalada jalpy kontingenti 287 myńnan astam oqýshyny quraityn 278 mektep bar, onyń 207-si memlekettik, al 71-i - jekemenshik mektep.
