Qaladaǵy jastardyń turǵyn úi problemasyn sheshetin «Almaty jastary» baǵdarlamasyna qatysýǵa ótinim 10 naýryzdan bastalady. Bul týraly "Ult aqparat" «Otbasy bankiniń» jelidegi paraqshasyna silteme jasap habarlaidy.
Almaty jastary» baǵdarlamasyna qatysýǵa ótinim 10-31 naýryz aralyǵynda júrgiziledi.
Baǵdarlama boiynsha nesie mólsherlemesi - 5%;
Bastapqy jarna - 10%
Qatysýǵa ótinimdi: www.almaty-zhastary.kz saity arqyly berýge bolady.
Sonymen qatar, endi úirenshikti 13 millionnyń ornyna nesie somasy 18 million teńgege deiin ózgertildi.
Qai sanattaǵy azamattar qatysa alady?
• Meditsina qyzmetkerleri;
• Bilim berý qyzmetkerleri;
• Mádeniet qyzmetkerleri;
• Sport qyzmetkerleri;
• Joǵary oqý orny qyzmetkerleri;
• Áleýmettik sala qyzmetkerleri;
• BAQ qyzmetkerleri;
• Quqyq qorǵaý organdarynyń qyzmetkerleri.
Biyl biýdjettik uiymdardyń barlyq qyzmetkerleri qatysatyn bolady.
Mysaly, eger ótken jyly mektepte jumys istegen býhgalter qatysa almasa, biyl ol ótinish bere alady.
Negizgi talaptar:
• Almatyda kem degende 6 ai jumys jasaý;
• Ótinish berýshiniń jáne onymen turaqty túrde turatyn otbasy músheleriniń atynda sońǵy 5 jylda Qazaqstan Respýblikasynyń aýmaǵynda menshik quqyǵynda jyljymaityn múliktiń bolmaýy;
• 35 jasqa deiingi/35 jasqa tolǵan jastar.
