Almatyda «Almaty jastary» turǵyn úi baǵdarlamasy boiynsha ótinishter berilgen birinshi kúnniń ózinde ótinishter sany shekteýli kvotadan asyp tústi, dep habarlaidy "Ult aqparat".
Búgin «Almaty jastary» turǵyn úi baǵdarlamasy boiynsha qujattar qabyldaý bastaldy.
Aita ketý kerek, biyl osy baǵdarlama boiynsha 1000 páter beriledi. Sondai-aq, biyl nesieleý mólsheri 13-ten 18 million teńgege deiin ulǵaityldy. Qazirgi ýaqytta baǵdarlamaǵa qatysýǵa 2,7 myńnan astam ótinim berildi.
Ótinishterdiń kóp bóligi bilim berý jáne densaýlyq saqtaý salasynyń mamandarynan túsken. Aitý kerek, ótinish bergen azamattardyń barlyǵy baǵdarlama talaptaryna sai kele almaidy. Sondai-aq, arnaiy sait jumysy nashar isteýde.
Ótinishter Almaty qalasynyń memlekettik, qalalyq jáne respýblikalyq uiymdarynda jumys isteitin azamattardan: dárigerler men medbikeler; muǵalimder men tárbieshiler; sýretshiler, jazýshylar, mádeniet qyzmetkerleri; jattyqtyrýshylar men sportshylar; ýniversitetter men ǵylymi-zertteý institýttarynyń oqytýshylary men zertteýshileri; áleýmettik qyzmetkerler; óndiristik qyzmetke qatysatyn jýrnalister men BAQ qyzmetkerlerinen (memlekettik jáne kommertsiialyq) qabyldanady.
