«Almaty jastary» baǵdarlamasy boiynsha 9741 ótinim qabyldandy, dep habarlaidy "Ult aqparat".
Biylǵy jyldyń 10-31 naýryz aralyǵynda «Almaty jastary» qalalyq baǵdarlamasy aiasynda ótinishter men qujattar qabyldandy.
Baǵdarlamaǵa qatysýǵa 9741 ótinish tústi, onyń ishinde:
- Densaýlyq saqtaý salasy - 2614;
- Bilim berý salasy boiynsha -3560;
- Mádeniet salasy - 348;
- Sport salasy- 98;
- JOO men ǴZI salasy -1103;
- Áleýmettik sala boiynsha -715;
- BAQ salasy -172;
- Quqyq qorǵaý organdary -1131.
Ótinishterdi qabyldaý elektrondyq tsifrlik qoltańba arqyly elektrondy túrde www.almaty-zhastary.kz saitynda júzege asyryldy. Upailardy esepteý úshin elektrondyq kalkýliator engizilgen. Oǵan qosa tapsyrǵan ótinishtiń jaǵdaiyn saittaǵy kabinetten ózdiginen baqylaý múmkindigi bar.
Búgingi kúni tapsyrǵan ótinishterdi júkteý men baǵdarlamanyń talaptaryna sáikestigine tekserý iske asyrylyp jatyr. Keiinnen ár sanat boiynsha eń joǵary upailardyń negizinde tizim jasalady.
Turǵyn úi qaryzdarynyń berilýiniń ádildigi men ashyqtyǵyn qamtamasyz etý maqsatynda iriktelgen, rezervke engizilgen jáne qaitarylǵan qatysýshylardyń tizimderi ótinimderdi qabyldaý saitynyń sáikes bólimderinde ornalastyrylatyn bolady.
Baǵdarlama boiynsha 1000 azamatty baspanmen qamtý josparlanǵan.
Iriktelgen úmitkerlerge «Otbasy bank» AQ arqyly tólem qabilettiligin rastaý úshin ótinimderdi qabyldaý saityndaǵy kabinetke joldama beriledi. Turǵyn úi qaryzdary tólem qabilettiligin sátti rastaǵan qatysýshylarǵa jalpy qaryzdyń 10 % bolǵan jaǵdaida 5%-ben 18 mln teńgege deiin bastapqy jáne qaitalama naryqtan turǵyn úi alý úshin beriledi.
