Almaty koronavirýs infektsiiasyna qarsy jappai vaktsinatsiialaýǵa daiyn. Bul týraly onlain brifing barysynda qalalyq qoǵamdyq densaýlyq saqtaý basqarmasynyń bastyǵy Nariman Tabynbaev aitty, dep habarlaidy QazAqparat.
«Búgingi kúni Almaty qalasy tórt transhpen 50 000 vaktsina aldy. Biz sońǵy transhty 1 jáne 2 sáýir kúni 34 900 doza mólsherinde aldyq. 2,5 kún ishinde 17 myńnan astam turǵynǵa vaktsina egip úlgerdik. Vaktsinatsiia protsesi búgin de jalǵasýda», - dedi spiker.
Sonymen qatar, ol vaktsinatsiia kólemi jetkizilgen vaktsina sanymen anyqtalatynyn aitty.
Vaktsinatsiianyń eki kúnine taldaý jasaldy.
Nátijiesinde, qalanyń meditsinalyq mekemeleri táýligine 9-nan 11 myń adamǵa ekpe jasai alady.
«Eger bizdiń iri saýda oryndarymyz osy sharaǵa qatysatyn bolsa, jappai vaktsinalaý múmkindigi artady. Qala, negizinen, jappai vaktsinatsiiaǵa daiyn», - dedi Nariman Tabynbaev.
