Almatyda 2000 teńgege blok-beketteri arqyly adamdardy ótkizýge tyrysqan azamat ustaldy.
Bul týraly onlain brifing barysynda qalalyq PD Ákimshilik politsiia basqarmasynyń basshysy Jandos Murataliev aitty, dep habarlaidy "Ult aqparat".
«Karantin jariialanǵan eki kúnde qala halqy arasynda aqsha bergen jaǵdaida blok-beket arqyly ótýge bolady eken degen aqparat tarady. Osy oraida biz arnaiy top quryp, azamattardy ótkizýge járdem berip júrgen jolaýshy tasymaldaýshyny ustadyq. Ol azamattarǵa 2000 myń teńge bergen jaǵdaida beketten ótkizýge ýáde berip, aldanǵan azamattardy beket mańyna ákelip, izin sýytatyn bolǵan. Ózi oblysqa óte almady. Oǵan qatysty qazir alaiaqtyq baby boiynsha qylmystyq is qozǵaldy. Tergeý júrgizilip jatyr», - dedi J.Murataliev.
Onyń aitýynsha, qazirgi ýaqytta atalǵan blok-beketterdediń jumys barysy turaqty, kólikter jáne azamattar qalypty tártippen ótkizilip, tártip saqshylary azamattarmen jáne kólik júrgizýshilerimen túsindirý jumystaryn júrgizip jatyr.
Túsindirý jumystary dybys kúsheitkish quraldary arqyly da júzege asyrylýda.
«Azamattar ózderiniń jeke qaýipsizdigi jaily, sanitarlyq talaptardyń saqtalýy, júk kólikteriniń blok beketter arqyly qandai qujattarmen ótkizilýi jáne jaýapkershiligi jaily, jáne tótenshe jaǵdai kezinde zań talaptaryn buzǵan nemese bilik ókilderine baǵynbaǵan jaǵdaida ákimshilik nemese qylmystyq jaýapqa tartylatyndyqtary týraly, sondai-aq kez-kelgen zańǵa qaishy áreketterdi habarlap otyrýlary úshin keri bailanys boiynsha tolyq aqparattar alýda», - dedi ol.
