Almatylyqtarǵa koronavirýsqa qarsy vaktsina saýda úileri men bazarlarda salynýy múmkin. Bul týraly Almaty qalalyq qoǵamdyq densaýlyq saqtaý basqarmasynyń ókili, telemeditsina ortalyǵynyń direktory Laýra Myrzaǵali málim etti, dep habarlaidy "Ult aqparat".
«Búgingi kúni qala emhanalarynda 35 vaktsina bólmesi bar. Vaktsina salýǵa arnalǵan qosymsha 15 kabinet ashylady. Budan bólek, saýda úileri men bazarlarda halyqty vaktsinatsiialaý máselesin de pysyqtap jatyrmyz», - dedi Laýra Myrzaǵali.
Onyń aitýynsha, búginde densaýlyq saqtaý ministrligi belgilep bergen adamdarǵa vaktsinatsiia jasalýda. Olar meditsina qyzmetkerleri, muǵalimder, áskeri jáne politsiia qyzmetkerleri, stýdentter, mektepke deiingi uiymdardyń qyzmetkerleri, dispanserde esepte turǵan adamdar.
Laýra Myrzaǵali aqpan aiynda qalaǵa 1 750 doza, naýryz aiynda – 10 800 doza jetkizilgenin atap ótti.
«Naýryzda biz úshinshi transhty aldyq - 16 200 dozanyń 3 200 dozasy jetkizildi. Sáýir jáne mamyr ailarynda 65 200 doza vaktsina keledi. Maýsymda – 67 000 doza. Sodan keiin revaktsinatsiia bolady», - dedi ol.
Aita keteiik, Almatyda koronavirýs juqtyrǵandar sany 31 307-ge jetti. Onyń ishinde, 26 169 adam aýrýdan aiyqqan.
