QR UQK Almaty qalasy boiynsha departamenti Eýroodaq elderinen Qazaqstanǵa poshta arqyly sintetikalyq esirtki jetkizetin kontrabandalyq arnany uiymdastyrǵan toptyń jolyn kesti, Ulttyq qaýipsizdik komitetiniń baspasóz qyzmeti.
Sonymen, 6 qarashada poshta bólimshesinde jedel-izdestirý sharalaryn júrgizý nátijesinde 968 psihotroptyq tabletka tabyldy. Sondai-aq, Germaniia arqyly Niderlandydan kontrabandalyq esirtki jetkizýge qatysy bar Almaty qalasynyń eki turǵyny - «K» jáne «D» ustaldy.
«Ustalǵan «K»-nyń turǵylyqty jeri boiynsha shamamen 1.5 kg «gashish» esirtkisi men 30 g mefedron alyndy. Alynǵan zattar sot-himiialyq saraptamaǵa joldandy. Esirtki quraldary men psihotroptyq zattardy internet-dúken arqyly ótkizip otyrǵan» delingen habarlamada.
Osy derek boiynsha QR UQK Almaty qalasy boiynsha departamenti QK 297-baby 3-bólimi boiynsha qylmystyq is qozǵady. Ustalǵan adamdar Almaty qalalyq politsiia departamentiniń ýaqytsha ustaý izoliatoryna qamaldy, sotqa deiingi tergeý jalǵasýda.
