ARTiShOK teatry jańa maýsymda Denis Tenge arnalǵan spektakldi sahnalaidy, dep habarlaidy QazAqparat tilshisi.
Teatrdyń 18-maýsymynda qazaqstandyq figýrist Denis Tendi eske alý úshin arnaiy joba josparlanǵan. Spektakl baspasóz betteri men áleýmettik jelilerde qaiǵyly qazaǵa bailanysty jariialanǵan jazbalar jelisi boiynsha qurylady. Teatr ártisteri bul mátindi sahnadan ádebi shyǵarma retinde oqidy. Qoiylym teatr repertýaryna enedi.
«Rýhy myqty adam - búginginiń Gamleti. Ol óz oiyn, pikirin, ustanymyn ashyq aita alady. Denis Ten aramyzdan ketken sátten bastap birneshe kún tolasatamaǵan jazbalardyń qazir umytylyp bara jatqany qynjyltady. Sebebi, estelik - máńgi emes, al Feisbýk lentasy kúnde jańarady. Biz sol kezdegi jazylǵan, aqtarylǵan sezimderdi qaita oqyp, kórermen esine salǵymyz keledi», - dedi teatr direktory Anastasiia Tarasova.
ARTiShOK teatrynyń jańa maýsymy 20 qazan kúni «Gamlet» spektakliniń tusaýkeserimen ashylady. Qoiylym rejisseri - Galina Pianova, sýretshisi - tashkenttik Aleksandr Barkovskii men teatrdyń bas sýretshisi Anton Bolkýnov.
