Almaty taýlarynda adasyp ketken tórt týrist qutqaryldy, dep habarlaidy "Ult aqparat" IIM TJK baspasóz qyzmetine silteme jasap.
26 tamyzda, túngi saǵat 00.30-da IIM TJM Respýblikalyq jedel-qutqarý jasaǵynyń baqylaý bólimine tórt jas jigittiń «Fýrmanov» shyńy mańynda adasyp ketkendigi týraly habarlama tústi.
Oqiǵa ornyna jedel qutqarýshylar shyqty. Saǵat 02.25-te top adasyp ketken jastardy tapty. Olar tik betkeiden, óz betterinshe túse almaǵan.
«Qutqarýshylar bul taýly aimaqty jaqsy bilgendikten, túngi qarańǵylyqqa qaramastan jas týristerdi tez taýyp aldy. Qaýipsiz ainalma jol arqyly shyǵaryp, týystarynyń qolyna tapsyrdy», - delingen vedomstva habarlamasynda.
