الماتى تاۋلارىندا اداسىپ كەتكەن تٶرت تۋريست قۇتقارىلدى, دەپ حابارلايدى "ۇلت اقپارات" ٸٸم تجك باسپاسٶز قىزمەتٸنە سٸلتەمە جاساپ.
26 تامىزدا, تٷنگٸ ساعات 00.30-دا ٸٸم تجم رەسپۋبليكالىق جەدەل-قۇتقارۋ جاساعىنىڭ باقىلاۋ بٶلٸمٸنە تٶرت جاس جٸگٸتتٸڭ «فۋرمانوۆ» شىڭى ماڭىندا اداسىپ كەتكەندٸگٸ تۋرالى حابارلاما تٷستٸ.
وقيعا ورنىنا جەدەل قۇتقارۋشىلار شىقتى. ساعات 02.25-تە توپ اداسىپ كەتكەن جاستاردى تاپتى. ولار تٸك بەتكەيدەن, ٶز بەتتەرٸنشە تٷسە الماعان.
«قۇتقارۋشىلار بۇل تاۋلى ايماقتى جاقسى بٸلگەندٸكتەن, تٷنگٸ قاراڭعىلىققا قاراماستان جاس تۋريستەردٸ تەز تاۋىپ الدى. قاۋٸپسٸز اينالما جول ارقىلى شىعارىپ, تۋىستارىنىڭ قولىنا تاپسىردى», - دەلٸنگەن ۆەدومستۆا حابارلاماسىندا.
