Úlken Almaty shyńynda adasqan erli-zaiyptylar qutqaryldy. Bul jaiynda QR IIM Tótenshe jaǵdailar komitetinen málim etti, dep habarlaidy "Ult aqparat".
Vedomstvo málimetinshe, 8 qyrkúiek kúni tańerteń jas jubailar Úlken Almaty shyńy aýdanynda taýǵa joryqqa shyǵyp, keshke qarai adasyp ketken. Keshki saǵat 21-00-de QR IIM TJK Respýblikalyq jedel qutqarý otriadynyń kezekshiligine erli-zaiyptylardyń baǵdardan adasyp, taýǵa joǵary shyǵyp bara jatqandyǵy týraly habarlama túsken. Olar naqty qai jerde ekenderin bilmegen. Týristerdiń qiyn jaǵdaiǵa tap bolǵandyǵy týraly aqparat túskennen keiin QR IIM TJK Respýblikalyq jedel qutqarý otriadynyń jedel qutqarý toby iz kesetin itpen birge oqiǵa ornynan attanǵan. Úlken Almaty kóli aýdanyna ketken 10 qutqarýshy men 1 iz kesetin it jaiaý izdeý-qutqarý jumysyna kirisken.
«Birneshe shaǵyn topqa bólingen qutqarýshylar tóńirekti súzip shyǵýdy bastady. 9 qyrkúiek kúni tańerteńgi saǵat 05-34-te qutqarýshylar 2 800 metr biiktikten otbasyn tapty. Ekeýi de meditsinalyq kómekti qajetsindi. Qyz taiǵanaq tastarmen órmelep kele jatqanda saýsaqtaryn aýyrtyp alǵan. Ekeýine de salqyn tigen. Sebebi kiimderi taýly aýa raiyna sai emes. Qutqarýshylar alǵashqy meditsinalyq kómek kórsetip, tómenge túsirdi. Sodan keiin zardap shekkenderdi QR IIM TJK Apattyq meditsina ortalyǵynyń brigadasyna tabystady. Al olar týristerdi 12 qalalyq aýrýhanaǵa jetkizdi», - delingen vedomstvo aqparatynda.
