ٷلكەن الماتى شىڭىندا اداسقان ەرلٸ-زايىپتىلار قۇتقارىلدى. بۇل جايىندا قر ٸٸم تٶتەنشە جاعدايلار كوميتەتٸنەن مەلٸم ەتتٸ, دەپ حابارلايدى "ۇلت اقپارات".
ۆەدومستۆو مەلٸمەتٸنشە, 8 قىركٷيەك كٷنٸ تاڭەرتەڭ جاس جۇبايلار ٷلكەن الماتى شىڭى اۋدانىندا تاۋعا جورىققا شىعىپ, كەشكە قاراي اداسىپ كەتكەن. كەشكٸ ساعات 21-00-دە قر ٸٸم تجك رەسپۋبليكالىق جەدەل قۇتقارۋ وتريادىنىڭ كەزەكشٸلٸگٸنە ەرلٸ-زايىپتىلاردىڭ باعداردان اداسىپ, تاۋعا جوعارى شىعىپ بارا جاتقاندىعى تۋرالى حابارلاما تٷسكەن. ولار ناقتى قاي جەردە ەكەندەرٸن بٸلمەگەن. تۋريستەردٸڭ قيىن جاعدايعا تاپ بولعاندىعى تۋرالى اقپارات تٷسكەننەن كەيٸن قر ٸٸم تجك رەسپۋبليكالىق جەدەل قۇتقارۋ وتريادىنىڭ جەدەل قۇتقارۋ توبى ٸز كەسەتٸن يتپەن بٸرگە وقيعا ورنىنان اتتانعان. ٷلكەن الماتى كٶلٸ اۋدانىنا كەتكەن 10 قۇتقارۋشى مەن 1 ٸز كەسەتٸن يت جاياۋ ٸزدەۋ-قۇتقارۋ جۇمىسىنا كٸرٸسكەن.
«بٸرنەشە شاعىن توپقا بٶلٸنگەن قۇتقارۋشىلار تٶڭٸرەكتٸ سٷزٸپ شىعۋدى باستادى. 9 قىركٷيەك كٷنٸ تاڭەرتەڭگٸ ساعات 05-34-تە قۇتقارۋشىلار 2 800 مەتر بيٸكتٸكتەن وتباسىن تاپتى. ەكەۋٸ دە مەديتسينالىق كٶمەكتٸ قاجەتسٸندٸ. قىز تايعاناق تاستارمەن ٶرمەلەپ كەلە جاتقاندا ساۋساقتارىن اۋىرتىپ العان. ەكەۋٸنە دە سالقىن تيگەن. سەبەبٸ كيٸمدەرٸ تاۋلى اۋا رايىنا ساي ەمەس. قۇتقارۋشىلار العاشقى مەديتسينالىق كٶمەك كٶرسەتٸپ, تٶمەنگە تٷسٸردٸ. سودان كەيٸن زارداپ شەككەندەردٸ قر ٸٸم تجك اپاتتىق مەديتسينا ورتالىعىنىڭ بريگاداسىنا تابىستادى. ال ولار تۋريستەردٸ 12 قالالىق اۋرۋحاناعا جەتكٸزدٸ», - دەلٸنگەن ۆەدومستۆو اقپاراتىندا.
