Almaty politsiiasy metro men saýda ortalyǵynda prank úshin video túsirgen quqyq buzýshyny anyqtaý maqsatynda izdestirý jumystaryn bastady, dep habarlaidy QazAqparat.
Jelide jariialanǵan birinshi videoda er adam telefon arqyly bireýmen aiqailap sóilesip, másele sheship jatyr, ekinshisinde onyń qaladaǵy saýda jáne oiyn-saýyq ortalyqtarynyń birindegi eskalatorǵa shyǵyp alǵanynyn kórýge bolady.
«Quqyq buzýshyny anyqtaý úshin tiisti tekserý jumystaryn bastadyq. Mán-jaidy anyqtaý Bostandyq aýdandyq politsiia basqarmasy qyzmetkerlerine júkteldi. Qabyldanǵan sharalardyń nátijeleri qosymsha jariialanatyn bolady», - dep jazdy Instagram-daǵy paraqshasynda qalalyq politsiia departamenti basshysynyń orynbasary Rýstam Ábdirahmanov.
