Almaty politsiiasy kópqabatty turǵyn úidiń balkonynyń shetinde otyrǵan balalardyń sýretine qatysty, pikir bildirdi dep habarlaidy QazAqparat.
Sýret áleýmettik jelide taraǵan bolatyn. Onda bip top bala Almaty qalasynyń Bostandyq aýdanyndaǵy «Gaýhartas» turǵyn úi kesheniniń balkonynda otyrǵan.
Almaty politsiia departamentiniń habarlaýynsha, bul sýretter áleýmettik jelide taraǵanymen, 102 pýltine eshqandai dabyl túspegen. Áitse de, ata-analarymen profilaktikalyq áńgime ótkiziledi.
«Qazirgi ýaqytta aýdandyq iývenaldy politsiia qyzmetkerleri sol aýdanda jumys júrgizip jatyr. Balalardyń ata-analaryn anyqtalýda. Olarǵa balalardyń ómiri men densaýlyǵyna qaýip tóndiretin faktilerdiń aldyn alý boiynsha profilaktikalyq jáne quqyqtyq túsindirý jumystary júrgiziledi. Jalpy, mundai faktilerge jol berilmeýi kerek», - deidi politsiia.
Sondai-aq, politseiler Turǵyn úi kesheniniń qaýipsizdik qyzmetkerlerimen de profilaktikalyq túsindirý jumystaryn júrgizbek.
