الماتى پوليتسيياسى كٶپقاباتتى تۇرعىن ٷيدٸڭ بالكونىنىڭ شەتٸندە وتىرعان بالالاردىڭ سۋرەتٸنە قاتىستى, پٸكٸر بٸلدٸردٸ دەپ حابارلايدى قازاقپارات.
سۋرەت ەلەۋمەتتٸك جەلٸدە تاراعان بولاتىن. وندا بٸپ توپ بالا الماتى قالاسىنىڭ بوستاندىق اۋدانىنداعى «گاۋحارتاس» تۇرعىن ٷي كەشەنٸنٸڭ بالكونىندا وتىرعان.
الماتى پوليتسييا دەپارتامەنتٸنٸڭ حابارلاۋىنشا, بۇل سۋرەتتەر ەلەۋمەتتٸك جەلٸدە تاراعانىمەن, 102 پۋلتٸنە ەشقانداي دابىل تٷسپەگەن. ەيتسە دە, اتا-انالارىمەن پروفيلاكتيكالىق ەڭگٸمە ٶتكٸزٸلەدٸ.
«قازٸرگٸ ۋاقىتتا اۋداندىق يۋۆەنالدى پوليتسييا قىزمەتكەرلەرٸ سول اۋداندا جۇمىس جٷرگٸزٸپ جاتىر. بالالاردىڭ اتا-انالارىن انىقتالۋدا. ولارعا بالالاردىڭ ٶمٸرٸ مەن دەنساۋلىعىنا قاۋٸپ تٶندٸرەتٸن فاكتٸلەردٸڭ الدىن الۋ بويىنشا پروفيلاكتيكالىق جەنە قۇقىقتىق تٷسٸندٸرۋ جۇمىستارى جٷرگٸزٸلەدٸ. جالپى, مۇنداي فاكتٸلەرگە جول بەرٸلمەۋٸ كەرەك», - دەيدٸ پوليتسييا.
سونداي-اق, پوليتسەيلەر تۇرعىن ٷي كەشەنٸنٸڭ قاۋٸپسٸزدٸك قىزمەتكەرلەرٸمەن دە پروفيلاكتيكالىق تٷسٸندٸرۋ جۇمىستارىن جٷرگٸزبەك.
