Almaty oblysynyń taýly aimaqtarynda tamyz aiynyń sońynda qar jaýyp, turǵyndardy tańǵaldyrdy. Tabiǵattyń tosyn qubylysyn qazaqstandyqtardyń biri videoǵa túsirip alǵan, dep habarlaidy ult.kz.
Kadrlardy Threads áleýmettik jelisindegi Nomad_sky.kz qoldanýshysy jariialaǵan. Onyń aitýynsha, qar Almaty oblysy Raiymbek aýdanyndaǵy Aqkól jailaýynda jaýǵan.
Videodan taý shyńdaryn qalyń qar men tuman basqanyn kórýge bolady.
«Biyl qys erterek keletin siiaqty emes pe?» – dep jazdy video avtory.
Buǵan deiin «Qazgidromet» 25-27 tamyz aralyǵynda Qazaqstannyń birqatar óńirinde aýa raiy qubylmaly bolatynyn habarlaǵan. Kei jerlerde naizaǵai oinap, jańbyr jaýady. Jekelegen aimaqtarda qatty jańbyr, burshaq jáne daýyldy jel bolýy múmkin.
Taýly aimaqtarda aýa temperatýrasynyń tómendeýine bailanysty qar jaýýy yqtimal.
