Almaty oblysy ákiminiń ókimimen Almas Saparǵaliuly Abdinov Alakól aýdanynyń ákimi bolyp taǵaiyndaldy, dep habarlaidy "Ult aqparat".
Almas Saparǵaliuly 1972 jyly týǵan.
Abai atyndaǵy Almaty memlekettik ýniversitetin, Shákárim atyndaǵy Semei memlekettik ýniversitetin tarih jáne memlekettik quqyq pániniń oqytýshysy mamandyǵy jáne iýrisprýdentsiia bakalavry boiynsha bitirgen.
Eńbek jolyn Shyǵys Qazaqstan oblysynda №4772 áskeri bólimde qoima bastyǵy bolyp bastaǵan.
Keiin Alakól aýdany ákimi apparatynyń áleýmettik-mádeni sala, bilim berý jáne densaýlyq saqtaý, uiymdastyrý, memlekettik-quqyq jáne kadr bóliminiń, Alakól aýdanynyń ishki saiasaty bóliminiń bas mamany, Alakól aýdany ákiminiń kómekshisi, Qamysqala aýyldyq okrýginiń, Úsharal qalalyq okrýginiń ákimi boldy.
2016 jyldyń mamyrdan búgingi kúnge deiin Almaty oblysy Alakól aýdany ákiminiń orynbasary qyzmetin atqardy.
Aita keteiik, Almaty oblysy ákiminiń ókimimen Jaqanbaev Álibek Áskerbekuly basqa jumysqa aýysýyna bailanysty Alakól aýdanynyń ákimi laýazymynan bosatyldy.
Esterińizge sala keteiik, buǵan deiin Taldyqorǵan qalasyna da jańa ákim taǵaiyndalǵanyn habarlaǵan bolatynbyz.
