Almaty oblysynyń Panfilov aýdany Penjim aýylynda jappai tóbeles bolyp, bir jasóspirim aýrýhanaǵa tústi, dep habarlaidy QazAqparat.
Jappai tóbelestiń videosy áleýmettik jelide tarady. Jaǵdaidy Almaty oblysynyń politsiia departamenti rastady.
«27 qazan kúni Panfilov aýdandyq ortalyq aýrýhanasy Penjim aýylyndaǵy mektep aýmaǵynan 16 jasar jasóspirim dene jaraqatymen kelip túsken. Tekserý barysynda 9 jáne 10-synypta oqityn eki oqýshynyń arasynda aýyzsha daý-damai týyp, onyń sońy oqýshylar arasyndaǵy tóbeleske ulasqany jáne onyń saldarynan jasóspirimniń zardap shekkeni belgili boldy» delingen habarlamada.
Atalǵan fakti boiynsha QR QK 106-babynyń 2-bóligi negizinde qylmystyq is tirkeldi, janjalǵa qatysýshylardyń barlyǵy anyqtaldy.
Zardap shegýshiniń jaǵdaiy turaqty, oǵan qajetti meditsinalyq kómek kórsetildi.
Aýyl azamattary men aýdan ákimi, aqsaqaldar jáne Almaty oblysy PD bastyǵy tarapynan kezdesýler men túsindirý jumysy júrgizildi.
Qazirgi ýaqytta jalpy jaǵdai turaqty jáne baqylaýda.
