Almaty oblysyndaǵy qaýipsizdik deńgeii joǵary túzetý mekemesiniń birinde janjal shyǵyp, saldarynan bir adam qaza tapty, dep habarlaidy "Ult aqparat" QR IIM Qylmystyq atqarý júiesiniń baspasóz qyzmetine silteme jasap.
«17 naýryz kúni Almaty oblysyndaǵy qaýipsizdigi joǵary mekemede janjal shyǵyp, sońy tóbeleske ulasty. Tóbeles kezinde jazasyn óteýshilerdiń biri ekinshisine ótkir zat suǵyp, dene jaraqatyn saldy. Sonyń saldarynan jaraqat alǵan adam mert boldy» delingen habarlamada.
Túrme basshylyǵy qazir tóbeleske ne sebep bolǵanyn tergep jatyr. Sonymen qatar, qyzmettik tergeý barysynda sottalǵan adam qarý retinde paidalanǵan ótkir zatty qaidan alǵany anyqtalmaq.
Vedomstvonyń baspasóz qyzmeti atap ótkendei, bul jait sotqa deiingi tergeýlerdiń biryńǵai reestrine engizildi.
