Dias Nuraqyn/facebook
Almaty oblysy Kegen aýdanyndaǵy eldi mekenderdiń birinde sel júrdi, - dep habarlaidy "Ult aqparat".
Jergilikti turǵyndar áleýmettik jelide oqiǵanyń videolaryn jariialap jatyr. Kadrlardan aýlalar men kóshelerdi sý basyp jatqanyn kórýge bolady.
«23 maýsym kúni saǵat 17.40-da shamasynda Kegen aýdany Túmenbai aýylynda nóser jańbyr saldarynan aýyl ishi kóshelerin taýdan aqqan sý basty. Taý sýy 1 turǵyn úige kirgen jáne 11 úidiń aýlasyn basqan. Oqiǵa ornyna aýdan ákimi, Kegen aýyldyq okrýginiń ákimi, tótenshe jaǵdailardyń aldyn alý bóliminiń qyzmetkerleri bardy. Tótenshe jaǵdaiǵa birneshe tehnika jumyldyryldy. Adamdar zardap shekpegen», - delingen Kegen aýdany ákiminiń baspasóz qyzmeti taratqan habarlamada.
Sonymen qatar nóser jaýyn kesirinen Kegen aýdanyndaǵy respýblikalyq jol jiegin sý shaiyp ketti.
«Almaty oblysynyń Kegen aýdanynda respýblikalyq mańyzy bar Kókpek - Kegen - Túp - Jalańash - Saty - Kólsai kóli jolynyń 10-11 shaqyrym aralyǵyndaǵy jiekti 23 maýsym kúngi nóser jańbyr shaiyp ketti. Atalǵan ýchaskede jol qaýipsizdigin qamtamasyz etý maqsatynda tótenshe jaǵdailardyń aldyn alý mekemesi, aýdan ákimshiligi, politsiia qyzmetkerleri, DEÝ-91 mekemesiniń ókilderi tarapynan kezekshilik uiymdastyrylyp, jol qozǵalysy qalpyna keltirildi. Jol qaýipsizdigin qamtamasyz etý maqsatynda tabiǵat saldarynan oryn alǵan jaǵdaidy qalpyna keltirý jýmystary júrgizilýde», - delingen aýdan ákimdigi baspasóz qyzmetiniń habarlamasynda.
"Qazgidromet" RMK-nyń 20.06.2022 jylǵy aýa raiyna bailanysty eskertýine sáikes, jaýyn shashyn saldarynan 2022 jylǵy 21-23 maýsym aralyǵynda Almaty oblysynyń taýly jáne taý bókterindegi aýdandarynda ózenderde kólbeý aǵyn bolyp, sý deńgeii kóterilýi múmkin.
Almaty oblysynyń TJD ókilderi azamattardy 112 qyzmetiniń SMS habarlamalaryn nazardan tys qaldyrmaýǵa, aýa raiynyń ózgerýin baqylaýǵa, saqtyq sharalaryn ustanýǵa shaqyrdy.
