Almaty oblysyndaǵy órt saldarynan balyq sharýashylyǵyna ziian kelip, bir adam zardap shekti. Bul jaiynda QR Ekologiia, geologiia jáne tabiǵi resýrstar ministrliginiń baspasóz hatshysy Samal Ibraeva málim etti, dep habarlaidy "Ult aqparat".
«Kesheden beri Almaty oblysyndaǵy orman alqabynda oryn alǵan jaitqa alańdap otyrmyz. Órt saldarynan Ile ózeni saǵasynyń basym bóligi janyp ketti. Qazirgi ýaqytta órttiń birinshi oshaǵy sóndirildi. Biraq ókinishke orai qazirgi ýaqytta órt Ile-Balqash memlekettik tabiǵi rezervatynda taralýda. Orman sharýashylyǵy jáne inspetsiiasynyń barlyq kúshi órtti sóndirýge jumyldyrylǵan», - dep jazdy ol Facebook-tegi paraqshasynda.
Onyń atap ótýinshe, órt balyq qabyldaityn pýnktti sharpyp, balyq sharýashylyǵyna shyǵyn keltirgen. Sonymen qatar atalǵan sharýashylyqtyń bir qyzmetkeriniń aýrýhanaǵa jetkizilgeni belgili.
«Ormanshylar áýeden barlaý jasap jatyr. Egjei-tegjeili aqparatty sál keiinirek alamyz. Jergilikti tótenshe jaǵdai qyzmetimen únemi bailanysta otyrmyz», - dedi Samal Ibraeva.
Buǵan deiin QR EGTRM orman sharýashylyǵy jáne janýarlar dúniesi komiteti Almaty oblysynyń Balqash aýdany aýmaǵynda orman alqaptary órtengenin habarlaǵan edi.
