Almaty oblysynda joǵalǵan 14 jasar oqýshy qyz jaldamaly páterden tabyldy. Anyqtalǵandai ol ata-anasynan qashyp, internet arqyly tanysqan jigitpen kezdesýge ketken, dep habarlaidy "Ult aqparat".
«7 qarasha kúni Uiǵyr aýdandyq politsiia bólimine Úlken Aqsý aýylynyń 37 jastaǵy turǵyny balasynyń joǵalyp ketkenin habarlaǵan. 2005 jylǵy Nigara Kadirdinovany izdeýge eriktiler men politseiler jumyldyryldy. Ol Almaty qalasyndaǵy jaldamaly páterlerdiń birinen tabyldy. Oqýshy ata-anasynyń úiinen qashyp ketip, jigitine barǵan», - dep málimdedi oblystyq politsiia departamentiniń baspasóz qyzmetinen.
Endi quzyrly organ balanyń ata-anasyn jaýapkershilikke tartý jaǵyn qarastyrady.
Esterińizge sala keteiik, buǵan deiin Almaty oblysynyń politseileri men eriktiler joǵalǵan 14 jasar oqýshyny eki táýlik boiy izdestirgenin habarlaǵan bolatynbyz.
