Foto: Úkimet
Almaty oblysynyń ákimi Marat Sultanǵaziev Úkimet otyrysynda óńirde jańa jumys oryndaryn ashý boiynsha qabyldanyp jatqan sharalar týraly baiandady, dep habarlaidy Ult.kz.
Ol óńirde tirkelgen jumyssyzdar sany azaiǵanyn atap ótti. Jumys oryndaryn qurý Óńirlik jumys oryndaryn qurý kartasy jáne investitsiialyq jobalar sheńberinde qamtamasyz etilýi josparlanýda.
Investitsiialyq navigatorda somasy 1,7 trln teńgeni quraityn 73 joba tirkelgen, olar boiynsha 21 myń jumys ornyn ashý kózdelgen.
Óńirlik karta aiasynda «Jaily mektep» jobasyn júzege asyrý barysynda 2820 turaqty jumys orny qurylady. «Shaǵyn jáne orta kásipkerlikti damytý tujyrymdamasy» aiasynda 450 astam jumys orny ashylady.
«Absoliýtti kórsetkishterdi ǵana emes, jalpy jumys kúshindegi jumyssyzdyqtyń úlesin de eskerý mańyzdy. Ótken jylmen salystyrǵanda jumyssyzdyq deńgeii 4,7%-dan 4,6%-ǵa tómendedi», — dedi Marat Sultanǵaziev.
Ákim jumyssyzdar boiynsha jumys naryqtyń qajettiligine nazar aýdara otyryp júrgizilip jatqanyn aitty. Kásibi oqytý arqyly 800-den astam jumyssyz turaqty jumys oryndaryna ornalastyrylatyn bolady. Negizgi bóligi tájiribe arqyly daǵdylardy meńgere otyryp, kásiporyndar janynda oqytylýda. Sonymen qatar onlain-oqytýdan 5,2 myń adam ótip, jańa quzyretterge ielendi.
Eńbek salasyndaǵy tiimdilikti arttyrý úshin birqatar Tsifrlyq jobalar iske asyrylýda. Stýdentterge tájiribe oryndaryn irikteýge jáne jumys berýshilerge úmitkerlerdi avtomatty túrde tańdaýǵa arnalǵan «Ódiristik tájiribe» tsifrlyq servisi sátti jumys isteýde. «Mansap kompasy» jáne «Enbek.kz» quraldary belsendi júzege asyrylýda.
