Almaty oblysyndaǵy Kerbulaq aýdanynda eki aýyldy sý basty. Zardap shekkender men qaza tapqandar joq, - dep habarlaidy Tengrinews.kz agenttigi.
Almaty oblysy TJD baspasóz qyzmetiniń habaryna qaraǵanda, aýyldardy sý basý týraly shaqyrý kezekshi pýltine túsken joq. Ótken keshte áleýmettik jelilerde habarlamalar men videolar paida bolǵan. Sóitsek, Baiǵazy jáne Qoǵaly aýyldarynda jaýyn-shashynnan birneshe kósheni sý basqan.
"Qoǵaly aýylynda kólbeý aǵyn paida boldy, keiinnen sý Panfilov, Jandosov jáne Tobaiaqov kóshelerimen ótti, sondai-aq Jandosov kóshesindegi bir aýla aýmaǵynan sý aǵyp ótti, úilerdi sý basqan joq. Saǵat 18.00-degi jaǵdai boiynsha jaýyn-shashyn toqtap, sý deńgeii tómendedi", - dep habarlady TJD baspasóz qyzmeti.
