Almaty oblysynyń Bas memlekettik sanitar dárigeri karantindi kúsheitý týraly jańa qaýlyǵa qol qoidy, dep habarlaidy "Ult aqparat".
Qujatta QR-da jáne Almaty oblysynda epidemiologiialyq ahýaldyń nasharlaýyna bailanysty 26 shildeden bastap jańa shekteý sharalary engizilgeni jazylǵan. Olar:
1) «Ashyq» jobasyna qatysýyna qaramastan, senbi jáne jeksenbi kúnderi kelesi qyzmetterge tyiym salynady:
- qoǵamdyq kólikterdiń qyzmetterine;
- COSO, saýda úileri, saýda jelileriniń;
- sport obektileri (sport keshenderi, sport mektepteri,sport klýbtary, jattyǵý zaldary);
- qoǵamdyq tamaqtaný obektileri, fýdkorttardyń (tamaq jetkizýge ruqsat etiledi);
- fitness-ortalyqtardyń, fitness-klýbtardyń, ioga-ortalyqtarynyń, sporttyq-saýyqtyrý obektileriniń, saýnalardyń, monshalardyń, SPA ortalyqtarynyń, basseinderdiń;
- kinoteatrlardyń, teatrlardyń, kontsert zaldardyń, filarmoniialardyń, tsirkterdiń;
- alańy 1000 sharshy metrden asatyn azyq-túlik emes taýarlardy ótkizý jónindegi obektilerdiń, ashyq jáne jabyq bazarlardyń;
- kompiýter klýbtarynyń, boýlingterdiń, biliard zaldarynyń, karaoke, túngi klýbtardyń;
- bilim berý ortalyqtarynyń, balalarǵa jáne úlkenderge arnalǵan úiirmelerdiń, balalardy damytý ortalyqtarynyń, balalardyń kóńil kóterý ortalyqtarynyń;
- bankterdiń, HQKO-lardyń, Qazposhta bólimsheleriniń;
- dini obektilerdiń qyzmetterine tyiym salynady.
2) jumys kúnderi qoiylatyn shekteýler:
- «Ashyq» jobasyna qatysatyn qoǵamdyq tamaqtaný obektileri, fýdkorttar saǵat 20:00-ge deiin, «Ashyq» jobasyna qatyspaityndar saǵat 17:00-ge deiin;
-«Ashyq» jobasyna qatysatyn fitnes-ortalyqtar, fitnes-klýbtar, ioga- ortalyqtar, sporttyq-saýyqtyrý obektileri, saýnalar, SPA - ortalyqtar, sport obektileri, basseinder saǵat 20:00-ge deiin, «Ashyq»-qa qatyspaityndar saǵat 17:00-ge deiin shekteý qoiylady.
Sondai-aq «Ashyq» jobasyna qatysýyna qaramastan ashyq jáne jabyq jaǵajailar, akvaparkter men attarktsiondardyń qyzmeti toqtatylady.
Qaýlynyń tolyq mátinimen myna jerde tanysýǵa bolady.
