Qoǵam belsendisi Sandýǵash Dúisenova Almaty oblysy ákimdigine tiesili qyzmettik kóliktiń jalǵan nómirmen júrgenin videoǵa túsirip, jelige jariialady. Ol quzyrly organdardan tekseris júrgizýdi surap jazba jariialady, - dep habarlaidy Tengrinews.kz.
Taldyqorǵan qalasynda 702 YEZ 02 nómirimen júrgen qyzmettik kólik qoǵam belsendisiniń kózine tústi. Belsendiniń aitýynsha, bul kólikte júrgizýshimen birge máslihat hatshysy da júredi.
Keiin taǵy bir videoda áleýmettik belsendi kólikti arnaiy turaqqa qalai apara jatqanyn túsirip alǵan. Ol politseiler kelgen kezde kólikte tek oblystyq máslihat hatshysynyń júrgizýshisi bolǵanyn aitty.
Videodaǵy málimetke súiensek, qyzmettik kólik esh jerde tirkelmegen 02 seriiasymen júrgen.
"Bizdiń bul nómirge qatysymyz joq, máslihat hatshysy osy ýaqytta jumys ornynda bolǵan. Júrgizýshi shtaty men kólik Almaty oblysy ákimdiginiń sharýashylyq basqarmasynyń quzyrynda", - dep málimdedi oblystyq máslihattyń baspasóz qyzmeti.
Al Almaty oblysy ákimdiginiń sharýashylyq basqarmasy kerisinshe, kóliktiń máslihatqa berilgenin aitty.
"Bul avtokólik 009 vv 05 nómirimen Almaty oblystyq máslihatynyń basqarýyna berildi. Atalǵan kólikti paidalaný boiynsha tolyq materialdyq-tehnikalyq jaýapkershilik Almaty oblysy máslihatynyń apparaty MM-ge júkteledi", - dedi Almaty oblysy ákimdiginiń sharýashylyq basqarmasynyń bastyǵy.
Almaty oblysynyń PD bul derek boiynsha tekserýdi bastaǵanyn habarlady.
