Jyl basynan beri Almaty oblysynda úsh bala terezeden qulap, bireýi mert bolǵan, - dep habarlaidy "Ult aqparat".
Almaty oblystyq TJD bastyǵynyń orynbasary óńir boiynsha kópqabatty úidiń terezesinen balalardyń qulap ketý oqiǵasynyń statistikasyn aitty.
«2020 jyldyń 8 aiynda Almaty oblysynda 3 ret kópqabatty úidiń terezesinen bala qulaý oqiǵasy tirkeldi. Onyń ishinde bir bala qaza boldy, ekeýi jaraqat aldy. 2018 jyly 1 bala terezeden qulap, opat bolǵan bolatyn. Al 2019 jyly 6 bala terezeden qulap ketken. Onyń bireýi qaza bolyp, qalǵany jaraqat alǵan. Balalar ár nársege qyzyǵa beredi. Sondyqtan ashyq terezeniń aldynda qaýipsizdikti oilamaidy. Kóbene 7 jasqa deiingi balalar terezeden qulap ketip jatady. Mundai oqiǵalar kóbinese ata-ana balalardy qaraýsyz qaldyrǵan kezde bolady», - dedi Departament bastyǵynyń orynbasary Erlan Ahashov.
