© Sputnik / Ramil Sitdikov
Almaty oblysynda úsh er adam tóbelesqor aǵasyn jónge salamyz dep balǵamen uryp óltirdi degen kúdikpen ustaldy, dep habarlaidy Sputnik Qazaqstan.
Oblystyq politsiia departamentiniń baspasóz qyzmetiniń málimetinshe, 1 maýsymda Eńbekshiqazaq aýdanynda Lepka kólinde zorlyq-zombylyq belgileri bar er adamnyń denesi tabylǵan. Onyń qoldary jippen bailanyp, denesi kórpege oralǵan.
Politseiler zardap shegýshiniń Talǵar aýdanynyń 39 jastaǵy turǵyny ekenin anyqtady. Ol Tuzdybastaý aýylynda anasy jáne inisimen birge turǵan. Er adamnyń alkogoldi jii iship, otbasylyq janjal uiymdastyrǵany belgili boldy. Osy áreketi úshin birneshe ret jaýapqa da tartylǵan.
Tártip saqshylary kisi óltirdi degen kúdikpen jábirlenýshiniń úsh týǵan aǵasyn ustady. Aldyn ala boljam boiynsha otbasylyq janjal jii bolýyna bailanysty onyń týystary 27 mamyrda máseleni túbegeili sheshý úshin jinalǵan.
"Janjal shyǵarýshymen sóilespek bolǵanda jaǵdai ýshyǵyp ketken. Úsh aǵaiyndy balǵa jáne kúrek sabymen tórtinshisin óltirdi. Máiitti kórshi aýdanǵa aparyp, kólge laqtyrǵan", - dep habarlady Almaty oblysy politsiia departamentiniń baspasóz qyzmeti.
Is Qylmystyq kodekstiń 99-baby 2-bóligi ("adamdar toby jasaǵan kisi óltirý") boiynsha tergelip jatyr.
