Almaty oblysyndaǵy Jambyl aýylynyń turǵyndary maldaryn kólikke tiep, jaiylym izdep júr, dep habarlaidy "Ult aqparat".
Aýylda mal baǵatyn jer joq degen Kóksý aýdanyna qarasty Jambyl aýylynyń halqy kórshi aýylǵa mal jaiý úshin ony áýpirimdep kólikke tiep, jiberip jatyr. Kólik iesi árbir mal basyna 2 myń teńgeden alady. Aýyl halqy úshin bul qyp-qyzyl shyǵyn. Tipti mal alysqa baryp jaiylsa, oǵan tólenetin tólem de kóbeiedi.
«Jurttyń maldaryn tiep, jaiylymǵa aparamyn. Reisine 20-25 myńnan alamyn. Aýyldyń kisilerinen kóp almaimyn. Áitpese ol 60-70 shaqyrymdyq jer», - dedi Kóksý aýdanyna qarasty Jambyl aýylynyń turǵyny Ájen Ahýnjan.
Ákimdiktiń málimetinshe, Jambyl aýyly boiynsha 850 bas iri qara, 2,5 myń qoi, 200-den asa jylqy bar. Al jaiylymdyq myń jarym gektarǵa jýyq. «Biraq mal basynyń ósýine bailanysty jer jetpei jatyr. Máseleni sheshý joldaryn qarastyryp jatyrmyz», - deidi olar.
