Almaty oblysynda tótenshe jaǵdai rejimin buzǵan úshin 31 tulǵa ákimshilik qamaqqa alynyp, 23-ine aippul salanyp, 1 adamǵa eskertý jasaldy, dep habarlaidy "Ult aqparat".
Almaty oblysy Prokýratýrasynyń málimetinshe, sońǵy táýlikte rejimge qatysty quqyq buzýshylyqtardy anyqtaýǵa baǵyttalǵan jedel toptarmen 88 zań buzýshylyq anyqtalyp, hattama toltyrylyp, sotqa joldandy.Kóbinese zań buzatyn tulǵalar sanitariialyq-epidemiiaǵa qarsy is-sharalardy ótkizbegen jeke kásipkerler bolyp tabylady.
Mysaly, Taldyqorǵan qalasynda qyzmetin toqtatý týraly talapty eskermei, qoǵamdyq monsha jumys istep turǵan. Osyǵan orai, monsha iesi 5 táýlikke ákimshilik qamaqqa alyndy.
Birneshe ret eskertý men túsindirý jumystary jasalǵanyna qaramastan, keibir qoǵamdyq tamaqtaný oryndary 22-00 saǵattan keiin jumys istep otyrǵan, qyzmetkerlerinde sanitarlyq qorǵaý quraldary jáne t.b. bolmaǵan.
Osyǵan bailanysty, Almaty oblysy prokýratýrasy azamattardy óz jáne basqa adamdardyń qaýipsizdigi úshin tótenshe jaǵdai rejimi men shekteý sharalarynyń talaptaryn qatań saqtaýǵa shaqyrady.
Osy sharalardy oryndamaǵan jaǵdaida ákimshilik jáne qylmystyq jaýapkershilik kózdelgenin eskertedi.
