Almaty oblysynda Talǵar qalasynyń shekarasy ózgeredi. Qujat jobasy «Ashyq NQA» portalynda jariialandy, dep habarlaidy "Ult aqparat".
Talǵar aýdandyq máslihat pen ákimdiktiń birlesken usynysy negizinde Almaty oblystyq máslihaty Talǵar qalasynyń shekarasyn ózgertý týraly sheshim qabyldady.
"Talǵar qalasynyń shekarasy (shegi), onyń shegine jalpy aýdany 853,1245 gektar Keńdala jáne Alataý aýyldyq okrýgteriniń keibir jerlerin qosa otyryp ózgertilsin. Osy birlesken Almaty oblystyq máslihaty sheshiminiń jáne Almaty oblysynyń ákimdigi qaýlysynyń oryndalýyn baqylaý Almaty oblysy ákiminiń jetekshilik etetin orynbasaryna júktelsin", - delingen qujatta.
Buǵan deiin Talǵar qalasynyń bas jospary bekitilgen bolatyn. Oǵan sáikes aýdannyń ulǵaiýyna bailanysty Talǵar qalasy, Keńdala jáne Aqdala aýyldarynyń aýmaǵy qysqardy.
"Normativtik quqyqtyq aktige sáikes Aqdala aýylynyń shekarasy 29,9947 gektarǵa qysqaryp, Aqdala aýylynyń jańa shekarasy belgilendi, jalpy aýdany – 705,433 gektar", - delingen qujatta.
Qujat 3 sáýirge deiin Ashyq NQA saitynda talqylanady.
