Almaty oblysynyń Ile aýdanynda taǵy bir servistik ákimdik ashyldy. Jańa formattaǵy memlekettik qyzmet kórsetý alańy Ótegen batyr aýylynda ornalasqan, dep habarlaidy "Ult aqparat".
Servistik ákimdik memleket basshysy Qasym-Jomart Toqaevtyń «Halyq únine qulaq asatyn memleket» tujyrymdamasyn iske asyrý maqsatynda ashylyp otyr. Bul jerde bir mezette 9 bólim jumys istep, 56 memlekettik qyzmet túri usynylady. Mamandar halyqty jeke-jeke emes, ashyq alańda qabyldaidy. Bul óz kezeginde ýaqytty únemdep, sybailas jemqorlyqtyń aldyn alýǵa múmkindik beredi.
Búgingi tańda Almaty oblysynda 8 servistik ákimdik jumys isteýde. Olar Aqsý, Balqash, Qarasai, Qaratal, Kóksý, Raiymbek, Ile aýdandarynda jáne Taldyqorǵan qalasynda ornalasqan. Jyl sońyna deiin oblystyń barlyq qalalary men aýdandarynda osyndai servistik ákimdikter ashý josparlanýda.
