Byltyr Almaty oblystyq aýyl sharýashylyǵy basqarmasynda 500 mln teńge igerilmegen. Atalmysh qarjy sýbsidiiaǵa bólingen. Bul týraly oblystyq máslihat depýtattary qatysqan jiynda málim boldy, dep habarlaidy "Ult aqparat".
Depýtattar bólingen qarjynyń igerilmegenine narazy. Sondyqtan qarjy igerilmese, qatań shara qoldaný kerek degen usynys bildirdi.
«Qanshama sharýanyń qoly sýbsidiiaǵa jetpei júr. Shaǵym óte kóp. Úkimet basynan aqsha bólinedi. Al ol igerilmei jatady. Qarapaiym halyq sol qoldaýǵa qoly jetpei, qinalyp júr. Sondyqtan bul jaitqa kim kináli, anyqtap, shara qoldanbasa, is osylai jalǵasa beredi», - dedi máslihat depýtattary.
Al aqshanyń igerilmegenin baiandaǵan baiandamashy, Almaty oblystyq qarjy basqarmasy basshysynyń orynbasary Janar Kerimbekova tiisti organǵa hat joldaǵanyn jetkizdi.
«Almaty oblystyq aýyl sharýashylyǵy basqarmasyndaǵylardyń bizge bergen túsiniktemesinde sharýalardyń suraǵan qarjylary belgilengen qarjyǵa sáikes kelmegen. Biz óz tarapymyzdan qarjynyń igerilmeýine bailynysty qyzmettik hat joldadyq», - dedi Janar Kerimbekova.
Aita keteiik, búgin Almaty oblystyq máslihat depýtattary «Jergilikti biýdjetterdi qalyptastyrý, bekitý, naqtylaý jáne oryndaý» oryndaý taqyryby boiynsha onlain seminar keńes ótkizdi. Jiynǵa oblystyq ekonomika jáne biýdjetti josparlaý men qarjy basqarmasynan baiandamashylar qatysty.
