Búgin oblys ákimi Amandyq Batalov turǵyndar aldyndaǵy esep berý jinynda óńirde sheshimin kútken 5 problemalyq máselelerdi atap ótti, dep habarlaidy "Ult aqparat" Almaty oblysy ákimdiginiń resmi saityna silteme jasap.
Máselen, birinshi másele retinde aýyl sharýashylyǵynda kooperatsiialaý jumysy baiaý júrip jatqanyn aitty. Sonymen qatar Almaty jáne Taldyqorǵan qalalarynyń mańynda azyq-túlik beldeýin qalyptastyrý isi óz deńgeiin emestigin de synǵa aldy.
- Shaǵyn jáne orta biznesten biýdjetke túsetin salyq túsimi jekelegen aýdandarda, máselen, Aqsý, Kerbulaq, Sarqan, Raiymbek aýdandarynda áli kúnge tómen deńgeide - 12-20 % aralyǵynda qalyp otyr, - dedi oblys ákimi A. Batalov.
Sondai-aq oblysta arhitektýralyq keskin kelbeti kelisken, jańa formattaǵy saýda ortalyqtary joqtyǵy da - aldaǵy ýaqytta qolǵa alatyn másele. Óitkeni bul kásipkerlerge de, tutynýshylarǵa da qolaily jaǵdai týǵyzatyn, sanitarlyq-epidemiologiialyq talaptardyń saqtalýy men halyqty sapaly ónimmen qamtýǵa da zor yqpal etedi.
Oblysta turmystyq qatty qaldyqtardy suryptaý men óńdeý - túiini tarqatyla qoimaǵan máseleniń biri. Bul oraida oblys ákimi óńirde bir de bir qoqys óńdeý zaýytynyń joqtyǵyn, qoldanystaǵy poligondardyń turmystyq qatty qaldyqtarǵa tolyp ketkenin de tilge tiek etti. Máselen, jyl saiyn oblys aýmaǵynda 800 myń tonnaǵa jýyq qaldyq jinalady, al búginge deiin jalpy jinaqtalǵan qaldyqtyń kólemi 8,4 mln. tonnaǵa jetken. Sondyqtan oblys basshysy bul máseleniń jedel sheshýdi qajet etetinin atap ótti.
- Eń bastysy, atqarylýǵa tiis jumystardy pysyqtap, qai baǵytta damitynymyzdy bilemiz. Endi tek isti nátijeli atqarýǵa bar kúsh-jigerimizdi jumsaýymyz qajet, - dedi sóziniń qorytyndysynda A. Batalov.
