Almaty oblysynda smartfon kamerasynyń kómegimen avtoportret jasaý, iaǵni biregei selfi túsirý áreketiniń sońy qaiǵyly jaǵdaiǵa ákelip soqty.
«20 tamyz kúni saǵat 19:19 shamasynda Almaty oblysy Alakól aýdany Beskól aýylynda balyq zaýytynyń mańynda bólek turǵan ǵimaratta 2004 jáne 2005 jyly týǵan eki jasóspirim sýretke túsý kezinde qaza tapty. 2004 jyly týǵan úshinshi adam oń aiaǵy synyp, Úsharal qalasyndaǵy ortalyq aýdandyq aýrýhanaǵa jetkizildi», - dep habarlady oblystyq tótenshe jaǵdailar departamentiniń baspasóz qyzmeti.
Qutqarýshylar oqiǵa ornyna kelgen boida jasóspirimderdi 1991 jyldan beri jumys istemei turǵan 2 qabatty ǵimarattyń ishinde beton plita basyp qalǵanyn anyqtady.
«Qutqarý jumysyn júrgizýge Almaty oblysynyń tótenshe jaǵdailar departamentinen 7 qutqarýshy men 3 tehnika jáne basqa mekemelerden 7 qyzmetker men 3 tehnika tartyldy» dep tolyqtyrdy vedomstvodan.
