Almaty oblysynda nóser jaýyn saldarynan jol opyryldy, - dep habarlaidy Tengrinews.kz.
Almaty-Óskemen respýblikalyq tasjolynyń 395-shaqyrymynda nóser jaýynnan tasjol opyryldy.
Jol boiynda túsirilgen video keshke áleýmettik jelilerde paida boldy. Kadrlardan kórinip turǵandai, nóser jańbyrdyń saldarynan asfalttyń bir bóligin sý shaiyp ketken. Oqiǵa ornynda arnaiy qyzmetter jumys istep jatyr. Tótenshe jaǵdai saldarynan eshkim zardap shekken joq.
"Almaty oblysy jolaýshylar kóligi jáne avtomobil joldary basqarmasynyń basshysy Ǵalymjan Dáribaev pen Almaty oblysy boiynsha "QazAvtoJol" filialynyń direktory Erjan Jasybaev tótenshe jaǵdai ornyna bardy. Bul Almaty-Óskemen respýblikalyq tasjolynyń 395-shaqyrymy. Qazir onda avtokólik júrgizýshileriniń qaýipsizdigin qamtamasyz etý úshin politsiia kezekshiligi qoiylǵan. Sondai-aq, sý tasqyny saldaryn joiý úshin qurylys tehnikasy jumyldyryldy", - dep habarlady Almaty oblysynyń ákimdigi ókilderi.
"QazAvtoJol" UK baspasóz qyzmeti qalpyna keltirý jumystary bastalǵanyn málim etti.
"Oqiǵa ornynda "QazAvtoJol" UK" AQ Almaty filialynyń qyzmetkerleri jumys istep jatyr, tórt arnaiy tehnika jumyldyrylǵan. Táýlik boiy patrýldeý uiymdastyryldy. Atalǵan ýchaskede avtokóliktiń barlyq túri úshin qozǵalysqa shekteý engizildi", - dep habarlady kompaniia ókilderi.
