Almaty oblysynda memlekettik satyp alý júiesi arqyly 13 mln teńgege syilyq jiyntyǵy satyp alynbaq bolǵan. QR Sybailas jemqorlyqqa qarsy is-qimyl agenttiginiń atalmysh óńir boiynsha departamenti onyń jolyn kesken, dep habarlaidy "Ult aqparat".
Búgin QR Sybailas jemqorlyqqa qarsy is-qimyl agenttiginiń onlain-brifingi ótti. Onyń barysynda málim etilgendei, sońǵy 4 jylda Qazaqstanda memlekettik satyp alý kólemi eki esege ulǵaiǵan: 2017 jydy – 3,3 trln teńge, 2018 jyly – 3,9 trln teńge, 2019 jyly – 4,4 trln teńge, 2020 jyly – 6,6 trln teńge.
Bul salada jemqorlyq qylmystary sanynyń aitarlyqtai tómendegeni baiqalyp otyr: 2017 jyly – 316, 2018 jyly – 369, 2019 jyly – 310, 2020 jyly - 283.
Eger Qarjy ministrliginiń ýákiletti organdaryna memlekettik satyp alý rásimderiniń durystyǵyn baǵalaý júktelse, Sybailas jemqorlyqqa qarsy is-qimyl agenttigi satyp alý baǵalarynyń negizdiligine taldaý jasaidy.
Osyndai faktiler anyqtalǵan jaǵdaida baǵalardy naryqtyq baǵaǵa sáikestendirý týraly usynyshat joldanady.
Máselen, Almaty oblysynda 13 mln teńgege syilyq jiyntyqtaryn satyp alýdyń joly kesildi.
Taǵy bir mysal, Batys Qazaqstan oblysyndaǵy aýdandardyń birinde kópbalaly otbasyǵa turǵyn úi satyp alý úshin aýdany 40-tan 60 sharshy metrge deiingi páterdi 30 mln teńgege satyp alý josparlanǵan. Agenttiktiń aýmaqtyq departamenti aýdandaǵy jyljymaityn múlik naryǵyn zerttep, satyp alýdy qaita qaraý týraly usynys jasady. Nátijesinde, osy aýdandaǵy aýyldyq jerlerdegi turǵyn úi qunyn eskere otyryp, sol 30 mln teńge sheginde kópbalaly otbasylar úshin 6 páter satyp alyndy.
Al Pavlodar oblysy ákimshileriniń biri naryqtyq baǵa boiynsha 39 myń telefon apparatyn satyp alýdy josparlaǵan. Departamenttiń áreket etýinen keiin satyp alý toqtatylǵan.
Osylaisha, aýmaqtyq departamentterdiń, agenttiktiń jáne «Atameken» Ulttyq kásipkerler palatasynyń birlesken kúsh-jigeriniń arqasynda 2020 jyly 22 mlrd teńge mólsherindegi biýdjet qarajatynyń tiimsiz jumsalýyna tótep berýge múmkin bolǵan.
Al biylǵy eki aidyń ózinde únemdeý 6,7 mlrd teńgeni qurady.
