Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Aimaq

Almaty oblysynda máslihat qyzmetkeri jalǵan nómirmen júrgen

Ult portaly
Almaty oblysynda máslihat qyzmetkeri jalǵan nómirmen júrgen


Almaty oblysynda máslihat hatshysynyń júrgizýshisi oblys ákimdiginiń balansyndaǵy kólikke jalǵan nómir taǵyp júrgen. Almaty oblysynyń politsiiasy bul aqparatty rastady, - dep habarlaidy Tengrinews.kz.

"KIA avtokóliginde jalǵan MTNB qoldaný deregi rastalǵanyn habarlaimyz. Qyzmettik avtokóliktiń 45 jastaǵy júrgizýshisi QR ÁQBtK 590-babynyń 3-bóligi ("Kólik quralyna kórineý jalǵan nemese qoldan jasalǵan memlekettik tirkeý nómiri belgilerin (belgisin) ornatý") jáne QR ÁQBtK 590-babynyń 4-bóligi ("Kórineý jalǵan nemese qoldan jasalǵan memlekettik tirkeý nómiri belgileri (belgisi) bar kólik quralyn basqarý") boiynsha ákimshilik jaýapqa tartyldy. Qyzmettik avtokólik arnaiy turaqqa qoiyldy", - dedi oblystyq politsiia departamentiniń baspasóz qyzmetindegiler.

Buǵan deiin bul oqiǵa týraly jýrnalist Sandýǵash Dúisenova habarlaǵan. Ol Taldyqorǵanda 702 YEZ 02 memlekettik nómirimen júrgen avtokólikti videoǵa túsirgen. Bul nómir jalǵan bolyp shyqqan. Kólikti oblystyq máslihat hatshysynyń júrgizýshi basqarǵan. 

Jýrnalist keiin oblystyq máslihat hatshysynyń kóligin ustap, hattama toltyrǵan politsiia qyzmetkerlerin búgin Sybailas jemqorlyqqa qarsy is-qimyl agenttiginiń qyzmetkerleri ustaǵanyn aitqan edi.

Antikor bul aqparatty joqqa shyǵaryp, halyqty jalǵan aqparat taratpaýǵa jáne tek resmi aqparat kózderine senýge shaqyrdy.

"Áleýmettik jelilerde Sybailas jemqorlyqqa qarsy qyzmeti Almaty oblysy boiynsha Jol politsiiasynyń eki qyzmetkerin ustaǵany týraly aqparat tarap jatyr. Buǵan deiin politsiia qyzmetkerleri máslihat hatshysyn jaýapqa tartqany habarlanǵan bolatyn. Antikorrýptsiialyq qyzmet atynan atalǵan faktiler bir-birimen eshqandai bailanysy joq ekenin habarlaimyz", - dedi vedomstvo ókilderi. 

Oqi otyryńyz